Традиција

Почнувајќи од 1998 година, ја возобновивме вековната традиција на прославување на 14 февруари - св. Трипун заштитник на лозарите или Трипун пијаницата.

Секоја година на овој датум Винарска Визба "Повардарие" организира закројување на лозјата во присуство на свештени лица и гости од целата Република. По закројување на лозите се преоѓа на градскиот плоштад каде што отпочнува општонародна веселба на која се точи вино и ракија од дабови буриња, сето тоа проследено со културно-уметничка програма која трае до доцните вечерни часови. Под покровителство на Винарска Визба "Повардарие" од редовите на свои кооперанти избираме: најдобар лозар за минатогодишната реколта, најдобар млад лозар, најстар лозар, кои симболично ги наградуваме. Во рамките на прославата се организира и ликовна колонија на младите уметници на тема лозје и грозје, која исто така е наградна, а сите дела потоа се во сопственост на Винарска Визба "Повардарие".
Би сакале и се трудиме оваа манифестација во иднина да биде една од поголемите во Македонија, со која Неготино и Винарска Визба "Повардарие" ќе се препознаваат насекаде.